Nos historia:

Kon tur kos a kuminsá…

Denice i Sam a topa otro na Hulanda durante un bishita serka famia di Denice. Durante e bishita aki Sam a divulgá na Denice ku e tin intenshon di muda bai biba Kòrsou. Sam (ku tin mas di 20 aña di eksperensia komo un negoshante independiente) a bisa Denice ku una bes el a establesé su mes na Kòrsou, e lo ke nifiká algu pa e komunidat i el a puntra Denice si e por sa algu ku lo e por yuda kuné. Denice, ku su pasado di komishon di mayor i komishon di keho, a duna di konosé ku tin un nesesidat grandi pa loke ta trata e mobilario di skol ku ta kibra i bieu. Una bes ku Sam su pia a kue tera na Kòrsou nan a lanta e fundashon dia 23 di febrüari 2017. E kombinashon di e 2 diferente eksperensianan i pasado a resultá di ta un éksito!

iicon copy copyiicon

Curaçao

man

Sam van Dommelen

Presidente
man

Denice Bezemer – Hoyer

Sekretario / Tesorero

Team Nederland

Nos metanan:

E fundashon tin komo meta:
  • Suministrá komunidat di Kòrsou ku material nesesario i útil i mobilario sea ku e ta di segunda mano òf nobo, pero den bon kondishon. E material i mobilario ta originá di Hulanda òf otro kaminda. Mester pensa riba suministro di material pa skol, material deportivo, material pa salubridat i tambe material pa prison ku por yuda den formashon pa e presunan por logra un ofishi. òf material pa kualkier instansia respetá ku por nifiká algu na bienestar di e isla.
  • Tambe e fundashon lo duna su parti pa yuda mas tantu ku ta posibel den e sektor di agrikultura i e sekshon ekonómiko dor di trese e partidonan nesesario den kontakto ku otro pa asina yuda e poblashon pa nan por proveé pa nan mes i pa e ekonomia di e isla.
E fundashon ta purba di logra su meta dor di:
  • Drenta den kontakto ku e diferente instansianan na Hulanda i otro kaminda ku lo por nifiká algu pa logra su metanan. E fundashon lo tene anochinan informativo ku regularidat pa informá i motivá e komunidat i su gobernantenan pa asina yuda drecha e sirkunstansianan. Medionan finansiero lo bin di donashon i fundraising.